1979 Se Safar Jaari Hai — Teen Peedhiyan, Ek Virasat

Humare liye ye sirf bus service nahi hai — ye humari teen generations ka aashirwad, mehnat aur virasat hai.

Saal 1979 mein humare Dadaji ne kuch buses ke saath es safar ki shuruaat ki. Tab hum sirf local routes par service dete the. Waqt ke saath, Papa ne es virasat ko aage badhaya aur service ko city-to-city aur inter-state routes tak expand kiya.

Aaj, teesri generation is legacy ko modern technology, better service aur naye vision ke saath aage le ja rahi hai.

Magadh (Gaya) se Begusarai — hum Bihar ke ek kone ko doosre kone se jodne ka kaam kar rahe hain. Aur humein garv hai ki hum Bihar ki pehli bus service hain jo es poore corridor ko connect kar rahi hai.

Aaj humare paas 17 buses hain, lekin humare liye asli achievement buses ki ginti nahi hai. Asli achievement hai woh hazaaron safar, jo logon ko unke ghar, parivaar, kaam aur apno tak pahunchate hain.

Hum sirf passengers ko nahi, Bihar ko connect kar rahe hain.

1979 se aaj tak — teen generations, ek legacy, aur safar abhi bhi jaari hai.